Një person është gjetur pa shenja jete në Prishtinë.

Policia ka konfirmuar për Gazetën Online Reporteri.net se bëhet fjalë për një viktimë grua e cila është gjetur e shtrirë në afërsi të një objekti në rrugën “Ferat Dragaj” në Prishtinë.

Viktima kishte pasur edhe lëndime.

“Rreth orës 13:00, kemi pranuar informatën për një person të lënduar, të shtrirë në afërsi të një objekti në rrugën “Ferat Dragaj” në Prishtinë.

Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit (femër).

Aktualisht policia po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, ka thënë Policia për Reporteri.net.