Gjatë ditës së sotme ka ndërruar jetë babai i Ministrit të Punës dhe Mirëqenies Sociale, Skënder Reçica.

Ky lajm është bërë i ditur nga vetë ministri Reçica përmes llogarisë së tij në Facebook, shkruan Reporteri.net.

Reçica ndër të tjera ka njoftuar se varrimi i babait të tij të ndjerë do të bëhet gjatë ditës së nesërme në varrezat e fshatit Vranidoll.

Njoftimi i plotë:

“Miq të nderuar,

Me dhimbje të thellë ju njoftoj se sot ndërroi jetë babai im, Feriz Reçica.Baba Feriz, me urtësi e dashamirësi na udhëzoi përherë për ta dashur atdheun e për të punuar fort e me nderë. Të tillë do ta kujtojmë e nderojmë përherë. Ju njoftoj se varrimi bëhet nesër, ora 17:00, në varrezat e fshatit Vranidoll. Të pikëlluar, Familja Reçica