Kryeparlamentari Kadri Veseli, ka qenë i ftuar në pritjen e parë zyrtare në Rezidencën e Ambasadorit Amerikan në Kosovë, Philip Kosnett.
Veseli, ka shkruar në faqen e tij në Facebook se në këtë pritje ndër të tjera ka theksuar që Ambasada Amerikane në Prishtinë ka qenë gjithmonë shtëpi e shpresës dhe mbështetjes.
“Në pritjen e veçantë në Rezidencën e Ambasadorit të SHBA-së në Kosovë, Philip Kosnett, theksova se për shqiptarët, Ambasada Amerikane në Prishtinë ka qenë gjithmonë shtëpi e shpresës dhe mbështetjes”, ka shkruar Veseli në Facebook.
Mësohet se në këtë pritje në Rezidencën e Ambasadorit Amerikan, Veseli ka falënderuar SHBA-të për ndihmën e vazhdueshme që kanë bërë për popullin e Kosovës si në kohën e luftës, po ashtu edhe në paqe.
Veseli ka ritheksuar qëndrimin e tij se për shtetin e Kosovës nuk ka aleat më të rëndësishëm sesa SHBA-të dhe miqësia Kosovë-SHBA do të jetë e përhershme. /Lajmi.net/
