Të zhgënjyer me gjithë klasën politike qytetarët po largohen çdo ditë më shumë nga vendi. Por jo vetëm rinia, por edhe ish-ushtarë të UÇK-së të cilët 20 vjet më parë luftuan për çlirimin e vendit po marrin të njëjtën rrugë.

Këtë vendim të vështirë e ka marrë edhe një prej veteranëve të themi më të famshëm në vend, Xhevdet Qeriqi i cili nga paslufta ju priu disa protestave në mbrojtje të drejtave të veteranëve, shkruan Reporteri.net.

“Sot aplikova për termin për vizë drejt përendimit, vitin e ardhshëm po besoj po ecim prej Kosovës tonë të dashur. Shpresat për një jetë më të mirë këtu, tashmë përfundimisht janë shuar!”, ka shkruar Qeriqi në Facebook.

Kujtojmë se Qeriqi në zgjedhjet e fundit ishte pjesë e listës së Lëvizjes Vetëvendosje për deputet por nuk ia arriti të siguroi votat e mjaftueshme për t’u bërë ligjvënës. /Reporteri.net/.