Vrasja dhe plagosja e fqinjëve në Gjakovë ndodhi për shkak të një prone

Një pronë është bërë shkas që fqinji i T.B. nga fshati Marmull i Gjakovës ta qëllojë atë me armë zjarri për vdekje, dhe të plagos personin tjetër me inicialet A.N., shkruan Reporteri.net.


Ngjarja ka ndodhur para pak minutash, dhe është konfirmuar nga Policia e Kosovës.

Këta të fundit janë vënë në ndjekje të të dyshuarit A.Gj. që tashmë është identifikuar, por që i njëjti është arratisur nga vendi i ngjarjes menjëherë pasi ka kryer krimin.

I plagosuri A.N., siç mëson Reporteri.net ndodhet jashtë rrezikut për jetë, dhe është duke marrë trajtim mjekësorë në spitalin e Gjakovës.

Të dy viktimat janë të moshës rreth 40 vjeç, sikurse edhe i dyshuari. Të gjitha palët janë fqinj mes veti, nga i njëjti fshat. /Reporteri.net/.