Një person është arrestuar në fshatin Smrekonicë të Vushtrrisë pasi ka sulmuar me thikë një shtetas të Turqisë.

Rastin për Reporteri.net e ka konfirmuar Avni Zahiti zëdhënësi i policisë në rajonin e Mitrovicës.

Zahiti ka thënë që rasti ka ndodhur në autorrugën për në Mitrovicë, dy puntorë të kompanive punëkryese në autostradën e Mitrovicës pas një mos marrëveshje janë përleshur mes vete ku njëri prej tyre ka mbetur i therur me thikë, i dyshuari është arrestuar.

”Rasti ka ndodhur dje në Vushtrri në orët e pasditës. Viktima dhe i dyshuari kanë qenë puntorë të kompanive punëkryese në autostradën e Mitrovicës. Pas një mos marrëveshje njëri prej tyre është lënduar, është bërë arrestimi i të dyshimit dhe i është përcaktuar masa e parandalimit”, tha zëdhënësi i policisë në rajonin e Mitrovicës, Avni Zahiti për Reporterin.

Viktima pas lëndimeve të marra ka pranuar tretman mjekësor.

Nga i dyshuari është konfiskuar thika dhe me vendim të prokurorit i dyshuari është dërguar në mbajtje. /Reporteri.net