“Ymri shah në vete” – rrëfen burri që i shpëtoi tri herë vdekjes në vitin 1999

Autor: Gentrit Dibrani


Kishte qenë 19 prilli dita kur Idriz Govori nuk u zgjua zakonshëm nga gjumi. Forcat paramilitare serbe ua prishën gjumin para orës 7:00.


Siç rrëfen ai për Reporteri.net, në atë ditë ka shpëtuar nga vdekja e sigurt tri herë brenda pak orësh. Një herë kur janë grumbulluar, të dytën herë kur është radhitur në pushkatim, si dhe herën e tretë kur forcat serbe u kthyen sërish në vendin e pushkatimit.

“Jam i mbijetuar i masakrës në fshat, bashkë me Beqir Asllanin. Unë kam shpëtu tri herë brenda 19 prillit pa u vra…”, thotë Idrizi.

Me shumë detaje, Idrizi ilustron të gjithë ngjarjen e 19 prillit. Ai tregon si i ishte dashur të shtirej si i vdekur për 40 minuta.

Ndër të tjera, ai kujton vëllain i cili nuk pati fatin e njëjtë. I vëllai iu vra në pushkatim ngjitur për muri, duke qëndruar vetëm një metër larg tij.

Idrizi lutet për shpirtin e të gjithëve…

Ndryshe, më 19 prill shënohet përvjetori i masakrës së fshatit Hallaç i Vogël të Lipjanit, ku u vranë 20 persona brenda pak orësh.

Ndiqni rrëfimin e plotë:

“Ymri shah në vete” – rrëfen burri që i shpëtoi tri herë vdekjes në vitin 1999.Për të tjera rrëfime, na vizitoni: www.reporteri.net

Gepostet von Reporteri am Freitag, 19. April 2019