Vrasje e trefishtë ka ndodhur sot në lagjen ”Dardania” në Prishtinë, ku një burrë ka vrarë renë, gruan e tij e pastaj edhe vetën. Ngjarja ka ndodhur brenda një banese, shkruan Reporteri.net
Raportohet se deri tek vrasjet ka ardhur pasi dorasi ishte i sëmurë psikik, i cili edhe para një viti kishte tentuar të vriste gruan e tij, e policia i kishte konfiskuar armën.
Mirëpo, për Reporteri.net prokurori Imer Beka nuk ka konfirmuar nëse ka qenë i sëmurë mendor, ai ka theksuar se kishte pasur probleme të mëhershme.
Mësohet se në momentin kur ndodhi ngjarja tragjike në vendin ku ndodhi rasti kishte qenë prezent edhe një vjazë 2 vjeçare.
Rastin për Reporterin e ka konfirmuar Flora Ahmeti zëdhënësja e policisë në rajonin e Prishtinës.
“Sot rreth orës 13:20, policia ka marrë informacionin për një vdekje të dyshimtë në rrugën “Bill Klinton” në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore. Nga informacionet e para në vendin e ngjarjes dyshohet se nga arma e zjarrit janè vrarë tre persona. Vdekjen e viktimave e ka konstatuar ekipi mjeksor në vendngjarje. Aktualisht njësitet policore janë duke punuar në sqarimin e të gjitha rrethanave që kanë të bëjnë me rastin”, ka bërë të ditur Ahmeti.
