Magnezi është një mineral i rëndësishëm për trupin, dhe ndihmon në shumë funksione si: dhimbje muskujsh, presion gjaku, migrenë, nivel sheqeri në gjak, densitet kockash, e më shumë.

Por, ai nuk është mrekulli, sidomos kur bëhet fjalë për gjumin dhe ankthin.

Magnezi dhe ankthi

• Mund të ndihmojë në ankth të lehtë apo të përkohshëm, por jo në raste të rënda.

• Studimet kanë treguar përmirësime të lehta te disa njerëz me ankth të butë, por provat janë të kufizuara dhe cilësia e studimeve është e ulët.

• Në rastet me ankth serioz, ndihma profesionale mjekësore është e domosdoshme – magnezi nuk mjafton.

Magnezi dhe gjumi

• Nëse ke vështirësi për të fjetur nga stresi ose ankthi i lehtë, magnezi mund të ndihmojë pak.

• Por për probleme të tjera me gjumin, nuk ka prova të forta që suplementet me magnez ndihmojnë.

• Disa studime tregojnë përmirësime të vogla në cilësinë e gjumit, por shumica janë vëzhguese dhe jo përfundimtare.

Sa magnez na duhet?

• Rekomandimi ditor është:

• 310–360 mg për gratë

• 400–420 mg për burrat

• Rreth gjysma e njerëzve nuk marrin mjaftueshëm magnez nga dieta.

• Burime të mira janë: spinaqi, avokado, çokollata e zezë, arrat, farat dhe perimet jeshile.

Cilin suplement të zgjedhësh?

• Magnesium glycinate është më i rekomanduari për ankth – përthithet mirë dhe ka më pak efekte anësore.

• Magnesium citrate është zakonisht laksativ, oxide përdoret për migrenë, por përthithet dobët.

• Filloni me doza të vogla (p.sh. 100 mg) dhe rrisni ngadalë nëse është e nevojshme.

• Mos tejkaloni 350 mg/ditë nga suplementet, për të shmangur efekte të padëshiruara si presion i ulët gjaku apo diarre.

• Konsultohuni gjithmonë me mjekun nëse jeni në trajtim me barna për tensionin, zemrën, antibiotikë apo osteoporozë.