Në epokën e informacionit dhe teknologjisë, gjithnjë e më shumë njerëz u drejtohen platformave të inteligjencës artificiale si ChatGPT për të marrë përgjigje mbi shqetësimet e tyre shëndetësore.

Por sa i sigurt është ky hap?

Prof. Anesti Kondili me përvojë të gjatë paralajmëron se ndërsa teknologjia mund të jetë një mjet orientues, kurrsesi nuk mund të zëvendësojë gjykimin klinik dhe ekspertizën e një profesionisti.

Sipas tij, inteligjenca artificiale mund të ofrojë orientim nëse i jepen parametra të sakta si rezultate analizash, EKG apo matje specifike. Megjithatë, mbështetja vetëm tek këto platforma për një diagnozë është një gabim i madh.

“Çdo organizëm ka specifikën e vet,” thekson ai, duke shtuar se ChatGPT “nuk mund të decizojë dhe të zëvendësojë mjekun. Nuk mundet të zëvendësojë gjykimin mjekësor që vjen nga një përvojë e gjatë me të sëmurët.”-perfundon mjeku.