×
  • Prospect
  • Prospect

    Pritja

    Reporteri
    19 Shkurt 2024 | 13:09

    Dritëro Agolli

    Gjysma e qiellit me re dhe gjysma tjetër e kaltër
    Këtë harmoni shkrepëtima e prish
    Gjysma e shpirtit e ngrirë dhe gjysma tjetër e vakët
    Dhe në gjoks një ankth si iriq.

    Ndaj sot nuk do shkojmë kurrkund,
    As në koncert, as në park, as në varre;
    Ti shko në dhomën tjeter dhe mbesën përkund
    Dhe unë po ndez një cigare.

    Mbase kujtohet im bir arratisur në botë
    Dhe prish heshtjen e dhjamur mbi telefon!
    Ah, kjo cigare që pi është e fortë,
    E ndiej kur në gjoks më shtrëngon.

    Shpërndaje:
    Të ngjashme
    Të ngjashme
    Prospect

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!