Festa e Krishtlindjeve këtë radhë për Cristiano Ronaldon ishte më ndryshe.
Në fakt, ylli portugez e mori një dhuratë speciale nga partnerja e tij, Georgina Rodriguez.
Në një video që është bërë tashmë virale, të cilën e ka postuar bukuroshja latine në Instagram, 37 vjeçari shihet i befasuar derisa Georgina ia prezanton dhuratën që ia bëri, një veturë luksoze të tipit Rolls Royce.
Ronaldo tashmë e ka një koleksion impresionuese të veturave, përfshirë këtu edhe Bentley e Ferrari, ndërsa e ka edhe edicionin e tij të limituar Bugatti Centodieci.
Derisa koleksioni i veturave iu pasurua, Ronaldo po pret të bëhet edhe me klub të ri.
Pesë herë fituesi i Topit të Artë pritet t’i bashkohet klubit nga Arabia Saudite, Al Nassr.
Ronaldo e kishte një vit të vështirë në fushën e blertë, ndërsa u nda me Manchester Unitedin në muajin e kaluar pasi i prishi punët me klubin anglez.
