Unikkatili po vjen sërish në Kosovë. Kësaj radhe ai do të performojë atje ku ishte kërkesa e shumë fansave, në Mitrovicë.
Lajmin e ka konfirmuar edhe vet artisti përmes rrjetit social Instagram, shkruan Reporteri.net
“Po mthojnë që po presin me konfirmu, kështu që po e konfirmoj. Me rastin e ribashkimit të Mitrovicës më 27 korrik, është e vërtetë që ka me kanë prezent. Shihemi”, ka thënë ylli i rep muzikës.
Ndryshe, kjo është hera e dytë që Unikkatil do të performojë në Kosovë, pasi në korrik të vitit 2012 kishte performuar në stadiumin e Prishtinës.
Unikkatil kishte arritur të thyente çdo rekord të mundshëm duke shitur 25 mijë bileta për koncertin e atij viti, anipse çmimet e biletave silleshin prej 15, 20, 30 deri në 116 euro.
Çmimi i biletave ende nuk është bërë i ditur, por pritet të jetë i afërt me aq sa kanë qenë herën e parë kur Unikkatili ishte në Prishtinë.
Kujtojmë që Reporteri.net ishte mediumi i parë i cili shkroi për koncertin e madh që reperi kosovar i cili jeton në Amerikë, do të mbajë në Mitrovicë./Reporteri.net/
