Margot Robbie tërhoqi vëmendjen me një fustan të guximshëm dhe transparent në premierën e filmit të saj të ri në Londër, ku iu bashkua të enjten kolegut Colin Farrell. Dyshja e aktorëve po promovonte filmin “A Big Bold Beautiful Journey”, i cili do të dalë në kinema më 19 shtator.
Aktorja 35-vjeçare dukej mahnitëse në një krijim transparent vezullues, të zbukuruar me kristale dhe xixa. Fustani i gjatë i guximshëm kishte edhe një shpinë të hapur, duke theksuar në mënyrë perfekte figurën e saj. Për rikthimin e saj në tapetin e kuq, ajo zgjodhi një version pa sytjena.
Filmi i vitit?
Një Udhëtim i Madh dhe i Bukur tregon historinë e Sarës (Robbie) dhe Davidit (Farrell), të cilët takohen në dasmën e një miku të përbashkët. Ata shpejt përfshihen në një aventurë mbinatyrore për të rijetuar momente kyçe nga e kaluara e tyre së bashku. Në pyll, ata zbulojnë një derë të çuditshme që shërben si një portë drejt kujtimeve të tyre, të tilla si dashuria e pashpërblyer e Davidit dhe vdekja e nënës së Sarës.
Traileri i parë, i publikuar nga Sony Pictures në qershor, ka marrë tashmë vlerësime entuziaste nga fansat, me disa që e quajnë filmin “filmi i vitit”. Në të, David shqipton frazën: “Pavarësisht se kush je në jetë, e tëra çfarë të duhet është dikush me të cilin ta ndash atë.” Së bashku me Robbie dhe Farrell, në film luajnë edhe Phoebe Waller-Bridge, Hamish Linklater, Lily Rabe, Billy Magnussen dhe Jodie Turner-Smith, dhe del në kinema më 19 shtator.
