Princesha Kate u pa në publik ditë pas polemikave rreth manipulimit dixhital të një fotoje të publikuar në Platformën X nga Kensington Palace. Princesha e Uellsit u shfaq në një video të re me Princin William teksa çifti vizitoi një fermë lokale gjatë fundjavës në Windsor, Angli.

Videoja, e publikuar nga gazeta britanike The Sun dhe e shpërndarë të hënën në mbrëmje, është video e parë që publiku ka parë që kur Kate u shtrua në spital në mesin e janarit për atë që Pallati Kensington përshkroi në atë kohë; operacioni i planifikuar abdominal. Gjithashtu është vetëm hera e tretë që princesha shfaqet në publik që nga fundi i dhjetorit, ndërkohë që në rrjete vijojnë të ngrihen pikëpyetje për shëndetin e saj. Por edhe lidhje të mundshme dashurie për të cilat publiku në Britani po gumëzhin dhe që Familja Mbretërore nuk i komenton.

Gazeta britanike The Sun raportoi se Kate u pa gjatë fundjavës “e lumtur, e relaksuar dhe e shëndetshme” teksa bënte jetën e saj të përditshme në Windsor, ku ajo dhe William jetojnë me tre fëmijët e tyre.

Që nga janari, mungesa e zgjatur e Kate nga detyrat publike ka ndezur thashethemet për shëndetin e saj dhe martesën e saj me William. Këto thashetheme u intensifikuan vetëm pasi agjencitë globale të lajmeve më vonë nxorën një foto që William dhe Kate shpërndanë në mediat sociale në Ditën e Nënës në Mbretërinë e Bashkuar mbi ato që mediat kryesore të lajmeve thanë se ishin shqetësime rreth “manipulimit dixhital”.

#KateMiddleton seemed to be in good spirits while out and about with #PrinceWilliam Saturday. https://t.co/kLUsfvt3b2 (🎥: TMZ/The Sun) pic.twitter.com/EqbtVojBcw

— TMZ (@TMZ) March 18, 2024