Sjellja e ftohtë e Romeos kur Vëllai i Madh i bëri dhuratë qëndrimin në një suitë së bashku me Heidin ka sjellë debate të forta në spektaklin e sotëm.

Arbëri ka dhënë mendimin e tij, ku shprehet se Romeo nuk ka ndjenja ndaj Heidit dhe se bën çdo gjë për lojën.

“Është një situatë që ka ardhur nga Heidi që u mërzit. Që kur u dha dhurata dyshova por mendova që ishte me shaka kur tha a ka ndonjë kanal për një. Kuptova që uji i xhakuzit filloi të ftohej para se të vinte burri, kuptova që s’ka interes për këtë marrëdhënie por e rëndësishme është loja dhe kjo vlen për të dyja anët. Kemi të bëjmë me një çift që harxhon ujin e xhakuzit kot. Nuk ju ka interesuar suita fare. Ka një moment kur ti thua ne të dy duhet të kemi një bashkëpunim me njeri tjetrin sepse këta na sulmojnë”, tha ai.

“E kam sqaruar me Heidn e nuk ka asnjë lloj keqkuptimi edhe në lidhje me dronin”, ia ktheu Romeo.

“Ata që futen brenda, ndezin xhakuzin i lejuat ju, nuk i lejuam ne. Secili nga ne ka të drejtë të japim opinioni e ti nuk kishe lidhje fare me suitën por tek loja. Fjalën bashkëpunim unë e marr ndryshe.Je shumë i vogël të më vesh kushte mua”, u përgjigj Arbri.

Debati vazhdoi tutje:

Romeo: Si jam i vogël?

Arbër: Në mendim.

Romeo: Unë nuk ofendoj.

Arbër: Nuk është ofendim.

Romeo: Më ke thënë rrugaç.

Arbër: Të kam thënë mos u sill si rrugaç.