Në një reality show i quajtur “It’s my home”, që ka nisur tash e disa ditë në televizionin “First Channel”, po promovohet dhuna. Një banore është goditur me këpucë nga një tjetër banor pas një debati me tone të larta.
Viktima e dhunës, në këtë rast banorja e “It’s my home”, largohet duke qarë nga pjesa ku po debatonte dhe askush nuk shkon pas saj për ta ndihmuar. Përkundrazi një grua aty e përkrahë dhunën ndaj saj duke i thënë sulmuesit “bravo, mirë ia bëre”, si dhe i drejtohet me termit “budallicë”.
E përlotur, banorja që u sulmua dëgjohet teksa thotë “S’jam ardhë unë me m’rreh këtu”.
Kjo skenë e dhunës fizike, por edhe skena të tjera brenda kësaj shtëpie kanë bërë që një pjesë e madhe e komentuesve të kërkojnë ndërhyrjen e Policisë së Kosovës.
“It’s my home” ende nuk ka ndërmarrë ndonjë hap ndaj këtij akti të dhunës.
