Arijon Ibrahimovic do të vazhdojë karrierën e tij te skuadra e Augsburg-ut.

Marrëveshja mes dy klubeve është arritur dhe sulmuesi pritet t’i bashkohet ekipit të ri pas vizitave mjekësore.

Për kartonin e 20-vjeçarit me origjinë shqiptare, Augsburg ka arritur akordin për formulën e huazimit me të drejtë blerjeje. Në fund të sezonit, klubi do të ketë opsionin për ta blerë për shumën e 8 milionë eurove.

Në këtë mënyrë, lojtari mbyll kapitullin me Bayern Munich për të vijuar në një tjetër klub të Bundesligës.

Më parë, Ibrahimovic ishte i huazuar te skuadra e Heidenheim-it për të marrë përvojë dhe minuta në fushë.