Aston Villa rikthehet në Premierligë

Aston Villa është rikthyer në Premierligë, pasi e mposhti Derby Countyn në finale të “Play-Offit”.


Villa u tregua më e fortë se kundërshtarët në play-off dhe arriti deri në finale, ku e mposhti gjatë ditës së hëne skuadrën e Frank Lampard, Derby County.

Villa triumfoi 2-1 me golat e Anwar El-Ghazi, në fund të pjesës së parë dhe John McGinn në minutën e 59’, kurse golin e nderit për Countyn e shënoi Jack Marriott (81’).

Kujtojmë se dy skuadrat tjera që kanë siguruar pjesëmarrjen në Premierligë për sezonin e ri janë edhe Norwich City dhe Sheffield United.