Ramiz Lladrovci e ka konsideruar si të vetin stadiumin ‘Rexhep Rexhepi’.

Feronikeli fundjavën që shkoi luajti me Gjilan në kuadër të Superligës së Kosovës ku edhe arriti fitore me rezultat 2-0, shkruan Periskopi.

Në tribuna ishte edhe kryetari i Drenasit, Ramiz Lladrovci, të cilit i pengoi kamera që po e xhironte atë.

Madje ai u ngrit dhe shkoi në drejtim të kamermanit dhe u tha që të mos bëjnë ‘filma’ në ‘stadiumin e tij’.

“A po e ndërron vendin, që ky e ki vendin ti,” i thotë fillimisht Lladrovci kamermanit të KTV-së.

“Ne jem duke i xhiruar pjesë më të mira,” ia ktheu kamermani.

Por, pas kësaj Lladrovci i tha që mos bëjë filma.

“S’ka lidhje, por filma me bo ktY jo, në stadium temin JO,” përfundoi Lladrovci.

/Reporteri.net/