Eden Hazard është gjithnjë e më afër largimit nga skuadra londineze Chelsea.
Ai tash e një kohë flet me admirim për skuadrën e Realit të Madridit dhe për menagjerin e saj, Zinedine Zidane, shkruan Reporteri.net
Hazard nuk e ka fshehur kurrë dëshirën që një ditë të luaj për skuadrën ‘mbretërore’ por ka qenë klubi që deri më tani ka bllokuar largimin e tij.
E tashmë kur kjo telenovelë po shkon drejt fundit, si duket Chelsea i ka humbur shpresat në mbajtjen e Eden Hazard dhe ka vendosur që të kërkoj zëvendësimin e tij.
Nicolas Pepe, anësori i skuadrës franceze, Lille, shihet si zëvendësuesi ideal i belgut në Chelsea.
23-vjeçari ka shënuar 19 gola në Ligue 1 këtë sezon, duke qenë kështu njëri ndër lojtarët më të mirë në Ligën e Francës./Reporteri.net/