United dhe City këtë të mërkurë në orën 21:00 do të zhvillojnë derbin e Manchesterit. Kjo ndeshje është tepër e vlefshme për të dy ekipet, shkruan Reporteri.net.
Ekipit nga “Old Traffordi” ju duhen 3 pikët për të mbajtur shpresat për vendin e katërt që dërgon në Ligën e Kampionëve kurse Cityt i duhet për të marshuar drejt titullit të Premier Ligës.
Por City do jetë i hendikepuar në këtë ndeshje pasi do të udhëtojë pa mesfushorin Kevin De Bruyne, i cili mori një dëmtim në ndeshjen ndaj Tottenham për Premier League.
Ai nuk ia ka dalë të jetë i gatshëm për këtë ndeshje dhe stafi mjekësor nuk ka dashur të rrezikojë lojtarin, që këtë sezon ka qenë i pafat me dëmtimet e tij të njëpasnjëshme.