Të gjitha të çmendur për Joao Felix. Tripleta në ndeshjen e Europa League ka rritur ndikimin e talentit të Benfikas, i cili është vendosur në listën e dëshirave të gjigantëve europian. Një prej tyre është Juventusi, i cili është gati të shpenzojë shuma marramendëse për të.
Gjithsesi, për të arritur te shifra e 100 milionë eurove të kërkuara nga portugezët, bardhezinjtë janë të gatshëm të sakrifikojnë Paulo Dybala. Të paktën këtë shkruan ditën e sotme, “Tuttosport”, që operacioni mund të financohet nga shitja e sulmuesit argjentinas.
Ndërkohë, interes për Felix ka edhe Bayern Munich, Barcelona, Real Madrid, Manchester City dhe United.