Raheem Sterling do të mbuloj të gjitha shpenzimet për funeralin e futbollistit të ri të Crystal Palacit, Demary Dawkins.

Sulmuesi i Manchester Cityt kishte mbështetur kampanjën e familjes së Damaris që të gjejnë donator të përshtatshëm për qelizat burimore dhe u bë i afërt me të riun i cili vdiq nga leukemia në moshën 13-vjeçare, shkruan Reporteri.net

Sterling do të marr pjesë në Dagenham të premtën.

“Damary ishte një djalosh i veçant i cili preku zemrat e shumë njerëzve, përfshirë timen. Ishte pozitiv deri në fund, ai ishte një shembull për ne”, ka thënë Sterling.

Sterling i bëri homazhe të riut duke ngritur bluzën e tij të Anglisë me një fotografi të të dyve, në fitoren 5-0 ndaj Republikës Çeke.

“E di se ata flisnin sepse Sterling erdhi në spital, luajtën biliardo së bashku dhe shkëmbyen numrat”, ka thënë babai i djaloshit të ndjerë.

/Reporteri.net/