Heroi i Chelseat në finalen e Europa Leagues sonte, Eden Hazard i cili realizoi dy gola në triumfin 4-1 ndaj Arsenalit ka konfirmuar se ishte ndeshja e tij e fundit në fanellën e klubit, para transferimit te Real Madridi.
“Po, unë mendoj se është një lamtumirë. Por kurrë nuk i dihet në futboll. Ëndrra ime ka qenë që të luajë në Premierligë dhe e kam bërë këtë për shtatë vite të bukura. E ardhmja ime do të dihet pas disa ditësh. Ndoshta është koha për një sfidë të re”, ka deklaruar ai.
Madrilenët pritet ta kompletojnë transferimin e tij për një vlerë totale prej 130 milionë eurove. /Reporteri.net/.