Klopp fans i Werderit – a po shkon Rashica drejt Liverpoolit?

Menaxheri i Liverpoolit, Jurgen Klopp ka deklarur se është një fans i Barcelonës, Tottenhamit dhe Manchester Cityt.


Ai gjithashtu ka zbuluar se cilat skuadra i ndjek vazhdimisht në futboll.

Si fans i futbollit Klopp thotë se kënaqet jashtëzakonisht shumë duke shikuar futboll të top ligave evropiane, e në veçanti është i lidhur ende me Bundesligën.

“Kurdo që kam kohë më pëlqen ta shikoj duke luajtur Dortmundin sepse ende jam i lidhur me të. Për më tepër janë tre ekipe që shikoj: City, Barcelona e Tottenhami. Gjithmonë më pëlqen”.

“E gjithashtu më pëlqejnë t’i shikoj edhe Werder Bremenin e Mainzin, me këtë të fundit edhe vazhdoj të jem i lidhur. Është mbresëlënëse se si luajnë nën menaxhimin e Sandro Schwarzit”, ka deklaruar Klopp për DAZN.