Kombëtarja e Kosovës dhe ajo e Shqipërisë do të mësojnë sot kundërshtarët për fazën kualifikuese të Kupës së Botës 2026.
Shorti do të hidhet në selinë qendrore të FIFA-s në orën 12:00.
Kosova është pozicionuar në vazon e katërt, ndërsa Shqipëria ndodhet në të tretën, çka e bën të mundshme një përballje direkte mes dy kombëtareve shqiptare.
Në vazon e katërt, përveç Kosovës, ndodhen edhe Bullgaria, Luksemburgu, Bjellorusia, Armenia, Kazakistani, Azerbajxhani, Estonia, Qipro, Ishujt Faroe, Letonia dhe Lituania, të cilat nuk mund të jenë kundërshtare të Dardanëve, transmeton Klankosova.tv.
Ndërkohë, Shqipëria ndodhet në vazon e tretë, ndërsa në vazon e dytë janë ekipet si Suedia, Uellsi, Polonia, Rumania, Norvegjia dhe Çekia, që mund të jenë kundërshtare të mundshme për Kosovën.
Kualifikimet për Kupën e Botës 2026 do të fillojnë në vitin 2025 dhe do të zhvillohen me 12 grupe.
Gjashtë grupet e para do të kenë nga 4 ekipe, ndërsa gjashtë grupet e tjera nga 5 ekipe.
Fituesit e grupeve do të kualifikohen direkt për në fazën finale të Botërorit, ndërsa vendet e dyta, së bashku me disa ekipe të tjera nga Liga e Kombeve, do të garojnë në fazën “play-off” për të siguruar një biletë për turneun.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.