Messi flet pas shkatërrimit që i bëri Liverpoolit

Lionel Messi ka folur pas triumfit të ekipit të tij me rezultat 3-0 ndaj Liverpoolit në sfidën e parë gjysmëfinale të Ligës së Kampionëve, ku ai shkëlqeu duke shënuar dy gola.


Ndërsa ka folur për ndeshjen ka thënë se rezultati është i mirë, por se asgjë nuk ka përfunduar.

“Rasti i fundit i Dembele ishte shumë i pastër. Patjetër që do të ishte më mirë të kishim fituar 4-0, por edhe 3-0 është një rezultat i mirë. Asgjë s’ka mbaruar sepse do të shkojmë në një fushë shumë të vështirë”, ka deklaruar Messi.

Ndërsa për golin e tretë që e shënoi nga gjuajtja e lirë argjentinasi ka thënë se “është e vërtetë, ishte spektakolar. Jam shumë i lumtur”. /Reporteri.net/.

Magjia e Messit e dërgon Barcelonën me një këmbë në finale