Vedat Muriqi është duke kaluar në një formë jetësore me skuadrën e tij turke, Rizespor.

Ai ka arritur ta gjejë rrjetën plot 12 herë dhe ka ndihmuar shokët e skuadrës së tij me 7 asiste, të gjitha këto statistika vetëm në Superligën e Turqisë, shkruan Reporteri.net

Së fundi skuadra e Fenerbahçes thuhet se ka arritur marrëveshje me bomberin kosovar, që nga sezona e ardhshme ta veshë fanellën e gjigantit turk.

Sipas të përditshmes turke “Hurriyet”, Fenerbahçe ka arritur që në princip të nënshkruaj me sulmuesin e Kosovës dhe të Rizesporit gjatë verës me një ofertë prej tre milionëve.

Megjithatë ende nuk ka zyrtarizim nga klubet në fjalë, por e vërteta qëndron se nga viti i ardhshëm, Muriqin do ta shohim patjetër në një klub të madh./Reporteri.net