Nga minuta e 16-të Gjilani ka mbetur me një lojtar më pak në fushë pasi me karton të kuq është ndëshkuar futbollisti Ansi Nika, raporton gazetari i Reporteri.net.
Ende asnjëra s’kuadër nuk ka arritur të shënoi gol.
Fillon derbi
Ka nisur derbi i Superligës në mes të Gjilanit dhe Dritës që po zhvillohet në stadiumin “Fadil Vokrri” në Prishtinë.
Gazetari i Reporteri.net po e përcjellë nga afër këtë sfidë dhe portali ynë do të ju njoftoj për çdo ndryshim rezultati.
Kjo ndeshje ka thyer rekordin e shikueshmërisë këtë sezon në Superligë pasi janë mbledhur rreth 8 mijë tifozë.
Për ta parë nga afër këtë superderbi është në stadium edhe kryetari i Gjilanit, Lutfi Haziri i shoqëruar nga gruaja dhe dy vajzat e tij.
Pas 25 xhirosh të zhvilluara, Drita është në vendin e katërt me 44 pikë, ndërsa Gjilani në vendin e gjashtë me 34 pikë. /Reporteri.net/
Disa foto të realizuara nga gazetari i Reporteri.net.