Vendimi i fundit i presidentit të UEFA-s, Alexander Ceferin i ka çartur serbët, shkruan Gazeta Express.

Kreu i futbollit evropian të mërkurën u shpreh se kushdo që nuk e njeh Kosovën si anëtare me të drejta të plota të UEFA-s do të përballet me pasoja.

Mediat serbe e kanë kritikuar sllovenin, i cili kërkon që futbollistët, klubet dhe përfaqësueset kosovare të futbollit të mos diskriminohen dhe të konsiderohen të barabartë me të tjerët.

“Turp i presidentit të UEFA-s. Ceferin lobon për të ashtuquajturën Kosovë. Çfarë thoni ju për këtë”, ka shkruar mediumi serb “espreso.rs”.

Shtetet që nuk e kanë njohur Kosovën shtet kanë ditur vazhdimisht t’ju sjellin probleme klubeve kosovare, jo vetëm në futboll, por edhe në sporte të tjera. /Gazeta Express/