Shënon Muriqi, Kosova në epërsi ndaj Irlandës

Kosova ka kaluar në epërsi ndaj Irlandës. Ka shënuar Vedat Muriqi, pas plot 83 minutave lojë në “Fadil Vokrri”.

Pas gjuajtjes së Ermal Krasniqit, topi e qëlloi fillimisht travsversalen pas një devijimi. Më pas Muriqi realizoi nga afërsia me kokë.

Irlanda është kundërshtarja e parë e Kosovës në edicionin e ri të Ligës së Kombeve.

Ndeshja e Grupit B3 ka nisur në orën 20:45 në “Fadil Vokrri”.

Muriqi golin ua ka dedikuar ish-udhëheqësve të Ushtrisë Çlirimtare të Kosovës që javën e shkuar u dënuan me 81 vjet burgim.

Ai pas golit para shikuesve mbajti fanellën me shkrimin “Drejtësi për çlirimtarët”.