Skandal në futbollin e Shqipërisë, tifozët godasin gjyqtarin

Episodet e dhunës nuk kanë të sosur në kampionatet shqiptare. Me Superioren që nuk zhvilloi asnjë takim, skenën e mori takimi i Kavajës.


Takimi i Grupit B, i vlefshëm për javën e 23-të të saj, mes Besës dhe Bylisit është ndërprerë në minutën e 80-të, pasi tifozë të shumtë të vendasve nisën të hedhin shishe drejt gjyqtarit anësor.

Aktualisht rezultati është 0-1 në favor të Bylis dhe nuk dihet se si do të procedohet me këtë duel në të ardhmen, ku pritet një vendim nga Federata Shqiptare e Futbollit.

Besa-Bylis është një duel direkt për ngjitjen në elitën e futbollit shqiptar, teksa para këtij takimi, Bylis numëronte 3 pikë më shumë se Besa e vendit të dytë.