Skandaloze: lojtari i Vushtrrisë grushton e shqelmon kundërshtarin në stilin e Pepe-s

Vushtrria ka mposhtur dje Fushë Kosovën në “Ferki Aliu” me rezultat të ngushtë 1-0 anipse ishin me një futbollist më pak.


Klubi vushtrrias mbështetet gjithnjë nga publiku i shumtë, por hijeshinë e ndeshjes e ka prishur Besart Veseli, futbollisti më skandaloz i skuadrës së Vushtrrisë, shkruan Reporteri.net

Besart Veseli ka shqelmuar kundërshtarin e tij gjersa ai ishte i shtrirë në tokë. Referi i ndeshjes kishte ndërprerë ndeshjen për një faul por siç duket, Veseli ishte i frustruar nga zhagitja e lojës dhe bëri një gjest të shëmtuar.

Po të mos ishte për ndërhyrjen e futbollistëve të tjerë me siguri se ai do ta rrahte edhe më shumë.

Besart Veseli njihet për temperamentin e ashpër të tij, madje nuk i intereson nëse ka lënë ekipën në baltë. Se çfarë sheh tek ky futbollist këtë e di më së miri trajneri i Vushtrrisë, Samuel Nikaj.

Kujtojmë që Vushtrria është shumë afër inkuadrimit në Superligën e Kosovës pasi është në vendin e parë me plot 8 pikë më shumë se përcjellësi më i afërt Besa./Reporteri.net/