Milot Rashica është kosovari më në formë për momentin, duke shkëlqyer me skuadrën e tij gjermane, Werder Bremen.
Ylli vushtrrias ka shënuar plot 10 gola dhe dy asiste në 23 paraqitje në të gjitha garat këtë sezon për skuadrën e Werderit, shkruan Reporteri.net
Se Milot Rashica është ylli kryesor i skuadrës gjermane, këtë e tregon edhe reagimi i lojtarëve të Werderit në seancat stërvitore.
Ish-lojtari i Realit të Madridit dhe Dortmundit, Nuri Sahin e ka duartrokitur yllin vushtrrias, duke mbetur i impresionuar me aftësitë e talentit kosovar.
Se për çfarë arsye ka mbetur i impresionuar ai nga talenti i Kosovës nuk dihet ende, por klubi ka shkruan në twitter disa fjalë:
“Duhet të kesh bërë diçka fantastike kur një lojtar si Sahin të duartroket”, thuhet në postimin e klubit.
Du musst etwas sehr gut gemacht haben, wenn @nurisahin Dir beim „Rondo“ applaudiert! ? @milotrashica #Werder pic.twitter.com/X82kfPyCc1
— SV Werder Bremen (@werderbremen) April 12, 2019
Kujtojmë që Nuri Sahin ka pasur një karrierë të madhe prej futbollisti duke luajtur në skuadrat më të mëdha europiane si: Dortmund, Real Madrid e Liverpool./Reporteri.net/