Sulmuesi 28-vjeçar Josef Sural, ka mbetur i vdekur në një aksident i cili përfshiu ekipin e superligës turke Alanyaspor.
Josef Sural, u konfirmua i vdekur pasi u dërgua në spital, pas lëndimeve që mori, ndërsa ish lojtari i Tottenham Hotspur, Steven Caulker, 27-vjeç, ka pësuar lëndime, shkruan Reporteri.net
Ish-lojtari i Liverpool, Djibril Cisse, ishte poashtu në mesin e 6 yjeve që u dërguan në spital.
Aksidenti ndodhi mbrëmjen e kaluar, derisa ekipi turk ishte duke udhëtuar në një minibus privat VIP, pas barazimit 1-1 ndaj Kayserispor, në të cilën ndeshje Caulker shënoi gol.
Sural i cili nuk arriti t’i mbijtetonte aksidentit, pati fraktura në kokë dhe disa pjesë të tjera të trupit.
Tragjikisht ai u lajmërua i vdekur pasi doktorët mjekuan lëndimet e tij./Reporteri.net/