Zyrtare: Hazard do t’i bashkohet Dortmundit këtë verë

Futbollisti i skuadrës gjermane Monchengladbach, Thorgan Hazard, i cili është vëllau më i vogël i yllit të Chelseas Eden Hazard, do t’i bashkohet Dortmundit gjatë verës.


Thorgan Hazard e ka pranuar vet në një intervistë se do t’i bashkohet ‘verdhezinjëve’ gjatë afatit kalimtarë të verës, shkruan Reporteri.net

“Unë kam marrëveshje personale me Borussian e Dortmundit. Unë kam folur me ta. Tani është qështje ndërmjet klubeve. Duhet kohë. Ata janë në bisedime”, ka thënë Thorgan.

Kujtojmë që Thorgan ka shkëlqyer këtë sezon me klubin e tij duke shënuar plot 9 gola e 10 asiste në Bundesliga.

Nëpër formë edhe më të mirë po kalon edhe vëllau i tij Eden, i cili ka shënuar plot 16 gola e 13 asiste në Premierligë këtë sezon e i cili është duke u kërkuar me ngulm nga skuadra e Realit të Madridit./Reporteri.net/