Kombëtarja e Kosovës sot do të mësojë kundërshtarin në play-offin e Ligës së Kombeve.

Dy ndeshje vajtje-ardhje do të jenë para dardanëve në marsin e vitit të ardhsh për të përcaktuar nëse do të arrijmë të kualifikohemi në Ligën B.

Por, si do të shkojë procedura e shortit sot në Nyon që tërhiqet në mesditë:

Hedhja e shortit të dytë përcakton çiftet e play-off-it për Ligën B/C. Katër ekipet e vendit të tretë nga Liga B janë të renditura dhe përbëjnë Vazon 1, ndërsa katër nënkampionët nga Liga C përbëjnë Vazon 2.

Së pari, tërhiqen ekipet nga Vazo 2, dhe më pas ekipet e renditura nga Vazo 1, për të kompletuar çiftet e play-off-it. Ekipet e Vazos 1 do të luajnë ndeshjen e dytë si vendase.

Ekipet e renditura (Vazo 1):

Sllovenia
Gjeorgjia
Islanda
Republika e Irlandës

Ekipet jo të renditura (Vazo 2):

Sllovakia
Kosova
Bullgaria
Armenia