Emisari special i BE’së për dialogun, Miroslav Lajçak, është takuar me Presidentin e Serbisë, Aleksandër Vuçiq, në margjina të Forumit Ekonomik Botëror në Davos.

Lajçak ka thënë se gjatë bisedës me Vuçiqin, ka theksuar se Marrëveshja e Ohrit e vitit 2023 e shtroi rrugën e normalizimit.

“Në takimin tonë të fundit në rolin tim aktual, presidenti serb Aleksandër Vuçiq dhe unë folëm për gjendjen aktuale të Dialogut. Theksova se Marrëveshja e Ohrit e vitit 2023 hapi rrugën përpara drejt normalizimit. Përparimi i mëtejshëm është në interes të Serbisë, Kosovës dhe të ardhmes së tyre evropiane”, shkroi Lajcak.

Reklamë

Ky ishte takimi i fundit i Lajçak me Vuçiqin si Emisar i BE’së, pasi ai më 31 janar të këtij viti do ta përfundojë mandatin e tij.