Kryeministri izraelit Benjamin Netanyahu konfirmoi se ata kishin shënjestruar objektiva bërthamore në Iran dhe njoftoi se operacioni do të vazhdonte për shumë ditë të tjera.

“Para pak çastesh, Izraeli nisi Operacionin “Luani në Ngritje”, një operacion ushtarak i synuar për të zbutur kërcënimin iranian ndaj vetë ekzistencës së Izraelit”, tha Netanyahu në një fjalim televiziv.

“Ky operacion do të vazhdojë për aq ditë sa të jetë e nevojshme për të eliminuar këtë kërcënim. Për dekada të tëra, tiranët e Teheranit kanë bërë thirrje hapur dhe me paturpësi për shkatërrimin e Izraelit”, tha ai. Ai kujtoi se Irani ka një program armësh bërthamore dhe paralajmëroi se iranianët mund të “prodhojnë armë bërthamore” nëse nuk ndalen.

“Ky është një rrezik i qartë dhe i menjëhershëm për vetë mbijetesën e Izraelit”, vuri në dukje ai.

“Ne goditëm kreun e programit të armëve bërthamore të Iranit. Ne shënjestruam uzinën kryesore të pasurimit të uraniumit të Iranit në Natanz. Ne shënjestruam shkencëtarët bërthamorë iranianë që punojnë në bombën iraniane. Ne gjithashtu goditëm thelbin e programit të raketave balistike të Iranit”, tha ai.

“Duke mbrojtur veten, ne mbrojmë të tjerët. Ne mbrojmë fqinjët tanë arabë. Edhe ata kanë vuajtur nga fushata e kaosit dhe masakrës së Iranit”, përfundoi ai./Reporteri.net/

Prime Minister Netanyahu:
"Moments ago, Israel launched Operation Rising Lion, a targeted military operation to roll back the Iranian threat to Israel's very survival.

This operation will continue for as many days as it takes to remove this threat." pic.twitter.com/3c8oF1GCYa

— Prime Minister of Israel (@IsraeliPM) June 13, 2025