Tetë persona kanë humbur jetën pasi një balonë me ajër të nxehtë mori flakë dhe u rrëzua në Brazil, përcjell Gazeta Online Reporteri.net.

Sipas autoriteteve lokale, edhe 13 persona të tjerë, përfshirë pilotin, u plagosën në incidentin që ndodhi mëngjesin e së shtunës në shtetin jugor të Santa Catarina.

Pamje e publikuara në rrjete sociale shfaqin tymin që del nga balona, e cila ishte përfshirë nga flakët teksa binte me shpejtësi drejt tokës dhe u përplas në një zonë rurale pranë një qendre shëndetësore.

Në video shihet të paktën një person që është hedhur për të shpëtuar nga flakët gjatë fluturimit.

/Reporteri.net/