Korpusi i Gardës Revolucionare Islamike të Iranit (IRGC) ka konfirmuar se komandanti i lartë ushtarak, Saeed Izadi është vrarë nga sulmet izraelite, sipas raportimeve nga agjencia e lajmeve Tasnim, e lidhur me IRGC-në.

Izadi ishte një komandant i lartë i Forcës Quds të IRGC-së, e cila vepron jashtë kufijve të Iranit, dhe ishte përgjegjës për koordinimin me Hamasin dhe grupet e tjera të armatosura palestineze.

Në deklaratën e IRGC-së nuk përmendet se kur dhe ku është vrarë.

Ushtria izraelite (IDF) njoftoi për vdekjen e Izadit më 21 qershor, duke e akuzuar atë si një nga arkitektët e sulmit të Hamasit ndaj Izraelit më 7 tetor.

Mbretëria e Bashkuar e kishte sanksionuar Izadin që në vitin 2023 në përgjigje të “kërcënimeve të paprecedenta” nga Teherani ndaj “paqes dhe sigurisë në Lindjen e Mesme” dhe për “komplotet për të vrarë individë në territorin britanik”. Ai ishte gjithashtu sanksionuar nga SHBA në vitin 2019 për akuzat se kishte financuar Hamasin me miliona dollarë.

/BBC/