Forcat e Moskës kanë pushtuar të gjithë Luhanskun – një nga katër rajonet që Rusia i aneksoi në mënyrë të paligjshme nga Ukraina në shtator 2022, pavarësisht se nuk kontrollonte plotësisht asnjërin – tha të hënën Leonid Pasechnik, një zyrtar i emëruar nga Rusia atje.

Nëse konfirmohet, kjo do ta bënte Luhanskun rajonin e parë ukrainas që pushtohet plotësisht nga Rusia pas më shumë se tre vitesh lufte. Nuk pati asnjë koment të menjëhershëm nga Kievi mbi pretendimin e Pasechnikut. Në komentet për Kanalin e Parë të televizionit shtetëror rus që u transmetua të hënën në mbrëmje, Pasechnik tha se kishte marrë një raport “fjalë për fjalë dy ditë më parë” që thoshte se “100%” e rajonit ishte tani nën kontrollin e forcave ruse, raporton The Guardian.

Forcat ruse kanë pushtuar një fshat në rajonin ukrainas të Dnipropetrovskut për herë të parë në ofensivën e tyre trevjeçare, kanë pohuar mediat shtetërore ruse dhe blogerët pro-luftës.

Dnipropetrovsk, i cili shtrihet në perëndim të rajonit të Donetskut, nuk është midis pesë rajoneve ukrainase mbi të cilat Rusia ka shprehur një pretendim zyrtar territorial. Nuk pati konfirmim të menjëhershëm nga zyrtarët ukrainas ose nga ministria ruse e mbrojtjes.