Franca regjistroi qershorin e dytë më të ngrohtë që nga fillimi i matjeve në vitin 1900, tha ministria e vendit për tranzicionin ekologjik.

“Qershori i vitit 2025 është bërë qershori i dytë më i nxehtë që nga fillimi i regjistrimeve në vitin 1900, pas qershorit të vitit 2003”, tha ministrja e Francës për tranzicionin ekologjik, Agnès Pannier-Runacher.

Italia kufizon punën në ambient të jashtëm, ndërsa vala e të nxehtit thyen rekorde në të gjithë Evropën.

Puna në natyrë është ndaluar gjatë pjesëve më të nxehta të ditës në më shumë se gjysmën e rajoneve të Italisë.

Portugalia dhe Spanja po ashtu vuajnë nga temperaturat historike maksimale për qershorin.

Organizata Botërore Meteorologjike dhe agjencia e Kombeve të Bashkuara për motin dhe klimën, tha dje se do të na duhet të mësojmë të jetojmë me normalitetin e ri të valëve ekstreme të nxehtësisë, të cilat do të ndodhin më shpesh dhe do të jenë më intensive me kalimin e kohës. /Reporteri.net/