Dymbëdhjetë ushtarë turq kanë vdekur pas ekspozimit ndaj gazit metan gjatë një operacioni kërkimi në një shpellë në Irakun verior, bëri të ditur ministria e mbrojtjes të hënën, shkruan Reuters, përcjell Reporteri.net.

Në një deklaratë, ministria tha se incidenti ndodhi të dielën gjatë një misioni për të gjetur mbetjet e një ushtari turk të vrarë gjatë një operacioni ushtarak kundër Partisë së Punëtorëve të Kurdistanit (PKK).

Ushtarë të tjerë që gjithashtu u ekspozuan ndaj gazit në shpellë janë dërguar në spital për trajtim, tha ministria.

/Reporteri.net/