Një gjest të papritur bëri presidenti amerikan në Shtëpinë e Bardhë, Donald Trump, duke befasuar të ftuarin e tij, homologun, Ahmed Al Sharaa.

Në margjinat e bisedës së shkurtër kokë më kokë të tyre të hënën më 10 nëntor në Shtëpinë e Bardhë, Trump zgjodhi t’i bëjë një dhuratë origjinale homologut të tij sirian: parfum-in e tij personal me emrin “Victory 45-47”, të cilin e prezantoi verën e kaluar, si referencë për dy mandatet e tij presidenciale.

Në një video që qarkullon në rrjetet sociale, presidenti amerikan duket se spërkat fillimisht veten me këtë parfum dhe më pas aromanizon edhe Al Sharaa-n, si dhe anëtarë të delegacionit sirian.

Reklamë

Trump e përfundoi gjestin duke i dhënë një shishe tjetër, versionin femëror të të njëjtit parfum, të cilin siç tha, e ka për gruan e presidentit të Sirisë.

“Është parfumi më i mirë! Dhe tjetri është për gruan tënde”, i tha ai Al-Sharaa.

Por Trump e pyeti menjëherë, duke vijuar diskursin për temën e grave:

“Sa gra ke?”

“Një”, u përgjigj presidenti sirian, duke nxitur komentin e Trump:

Reklamë

“Një? Me djem si ty, nuk i dihet kurrë!”