Platforma “Liria Ka Emër” ka dalë me shifra për marshin e sotëm “Drejtësi, jo politikë”, në mbështetje të ish-krerëve të UÇK’së që po gjykohen në Hagë, duke thënë se kanë marrë pjesë mbi 130 mijë qytetarë, shkruan Reporteri.net.

Në njoftim thuhet se ky është marshimi më i madh në historinë e Kosovës së lirë

“Sheshi dhe rrugët kryesore të Prishtinës ishin të stërmbushura me qytetarë nga të gjitha komunat e vendit, nga rajoni, diaspora dhe përtej oqeanit. Prania masive, organizimi qytetar dhe mesazhi i qartë e shndërruan këtë marsh në një moment historik të solidaritetit dhe qëndresës qytetare”, thuhet në njoftim.

“Ky marsh dëshmoi qartë: kur populli flet, ai flet me dinjitet, me përgjegjësi dhe me zë të fuqishëm. Drejtësi, jo politikë”, përfundon njoftimi./Reporteri.net