Gentrit Murseli, kandidat për deputet nga Lidhja Demokratike e Kosovës në zgjedhjet e 7 qershorit, me numrin 68 në listën zgjedhore, ka bërë thirrje për më shumë unitet, respekt dhe bashkëpunim në politikën kosovare.
Murseli, i cili për një dekadë ka qenë i anagazhuar në Kuvendin Komual të Gjilanit, ka deklaruar se qytetarët kanë nevojë për përfaqësues që punojnë në interes të përgjithshëm dhe që shmangin ofendimet e ndërsjella.
“Jam absolutisht i bindur që të gjithë qytetarët, pa dallim, por në veçanti bashkëqytetarët e mi, kanë nevojë për një zë të ri, i cili nuk i ofendon kolegët e tij, por punon bashkërisht me ta në interes të përgjithshëm qytetar”, ka thënë ai.
Sipas Murselit, Kosova ka nevojë më shumë se kurrë për bashkim, unitet dhe punë me ndershmëri.
“Kuvendi i Republikës nuk është arenë për përplasje individuale, por është tempull i demokracisë, ku të gjithë punojnë për një qëllim të përbashkët”, është shprehur kandidati i LDK-së.
Ai ka shtuar se në këtë garë nuk ndihet i vetëm dhe u ka bërë thirrje qytetarëve ta mbështesin me votë.
“Në këtë garë jam shumë i bindur që nuk jam i vetëm, andaj në listën e LDK-së më gjeni me numrin 68”, ka përfunduar Murseli.
