VV-ja në Prishtinë ka akuzuar kryetarin, Përparim Rama, se po synon t’i japë në shfrytëzim privat 4.5 hektarë tokë publike.

Asamblisti i Lëvizjes Vetëvendosje në Prishtinë, Çlirim Gërbeshi ka paralajmëruar se nesër pritet të tentohet realizimi i këtij vendimi, duke e cilësuar atë  si “ krim të ri dhe shumë të madh”.

“4.5 hektarë tokë të qytetarëve, Përparim Rama po ia jep në shfrytëzim privat”, ka shkruar Gërbeshi.

Asamblisti i VV-së u ka bërë thirrje mediave dhe shoqërisë civile që ta trajtojnë këtë çështje dhe, siç ka thënë ai, ta kundërshtojnë atë që e konsideron dëm ndaj pasurisë publike të Komunës së Prishtinës.

Gërbeshi ka pretenduar gjithashtu se vendimi po bëhet për interesa të kryetarit Rama dhe rrethit të tij.

Postimi i plotë:

4.5 hektarë tokë të qytetarëve, Përparim Rama po ia jep në shfrytëzim privatit.

Kjo është vazhdimësi e një krimi që po i ndodh Prishtinës tash e pesë vjet.

Nesër po tentohet të ndodhë ky krim i ri dhe shumë i madh.

U bëj thirrje mediave dhe shoqërisë civile që ta shpërfaqin dhe ta kundërshtojnë këtë krim, të cilin Përparim Rama po e bën për intersa të tij dhe të rrethit të vetë e në dëm të pasurisë publike të Prishtinës.