Deputeti i Aleancës për Ardhmëri të Kosovës, Ramush Haradinaj, ka thënë se është turp i madh që është kthyer në Kuvend për rishqyrtim Ligji për Dhomat e Specializuara.
Ai ka thënë se kjo është goditje për Kosovën.
“Kthimi i Ligjit për Dhomat e Specializuara në Kuvend është një turp i madh dhe goditje e rëndë për Kosovën. Të gjithë ata që janë bërë pjesë e kësaj loje, turpi i mbuloftë për jetë”, ka shkruar Haradinaj në Facebook.
Presidentja e Kosovës, Justina Shiroka Pula, ka kthyer në Kuvend për rishqyrtim Ligjin për Dhomat e Specializuara, me kërkesë të Partisë Demokratike të Kosovës.
“Gjatë ditës së sotme, Presidentja ka pranuar propozimin zyrtar të Grupit Parlamentar të Partisë Demokratike të Kosovës, si sponsorizues i ligjit, për t’i dhënë Kuvendit mundësinë e rishqyrtimit të tij, veçanërisht të dispozitave që ndërlidhen me juridiksionin dhe mandatin e Dhomave të Specializuara, si dhe me garantimin e plotë të të drejtave kushtetuese të personave që po gjykohen pranë këtyre Dhomave“, ka njoftuar Presidenca.
